Ástarsameindir
2016, SÍM salnum við Hafnarstræti - samsýning.
Halla Birgisdóttir, Katrín Eyjólfsdóttir, Ragnheiður Maísól Sturludóttir, Sigrún Hlín Sigurðardóttir og Una Björg Magnúsdóttir.
Sýningarstjórar: Ragnheiður Harpa Leifsdóttir og Steinunn Lilja Emilsdóttir.
Ljósmyndir: Art Bicknic
Sýningin Ástarsameindir var fyrsta sýning IYFAC.
Á sýningunni tókust listakonurnar á við stærsta viðfangsefnið, ástina sjálfa.
Texti úr sýningarskrá eftir Steinunni Lilju Emilsdóttur, annan sýningarstjóra Ástarsameinda:
„Ástin er þrípunktur
Við upphaf alls, í sjálfum Miklahvelli, þeyttist efni út í alheiminn. Allt sem er til í dag er gert úr þessu efni. Varð ástin líka til á þessu augnabliki? Eða fæddist ástin þegar fyrsta lífræna fruman fór að finna fyrir einsemd og ákvað að skipta sér í aðra frumu?
Eitthvað fannst henni þetta notalegt því hún hélt áfram að skipta sér og hinar frumurnar líka og áfram héldu þær að breiða úr sér og þróast og leita á ný mið þangað til allt í einu voru til hlutir eins og randaflugur og Ritzkex.“